GAZTELURA IRTEERA
Irailak 29an, Gaztelura irteera bat egin genuen.
Irteera egun osorako izan zen eta 6,9km ibili ginen oinez. Bidaiak 1h 44min
igaro behar zituen, baina hamaiketakoarekin 2h inguru igaro genituen bidaian.
Gure asmoa Elizaldetik joatea zen, baina azkenean
Arbidetik hartu genuen Gaztelura joateko bidea. Bidean oso ondo pasa genuen,
onddo, gibelurdin eta galanperna asko aurkitu genituen, 3kg inguru. Gaztelura
12:00 ak aldera iritsi ginen. Gaztelun frontoi handi bat zegoen eta haren
ondoan parke txiki bat.
Bertan gauza askotan jolastu ginen: futbolean,
pilotan, “baseball”ean, sokasaltoan, parkean…
Ondoren bazkaldu egin genuen eta jolasten
jarraitu genuen. Frontoi ondoan, bide bat zegoen eta han zeuden zuhaitz guztiak
intxaurrondoak ziren. Hori ikusita, gutako batzuk intxaurrak biltzera joan
ginen. Perretxikoak bezala, intxaurrak ere dezente bildu genituen. Parkean
oreka lantzeko tresnak zeuden eta horregatik oso ondo pasa genuen.
Berastegira autobusean itzuli ginen Tolosatik
barrena abesten ibili ginen eta oso ondo pasa genuen.
Berastegira iritsi ginenean, 16:00 tan, onddoak
biltzen egindako lan guztia alferrikakoa izan zen, onddo guztiak usteldu
zirelako.
iruzkinik ez:
Argitaratu iruzkina