Atmosfera Lurra inguratzen duen gas-geruza da. Atmosferari esker, Lurra berezia da eguzki-sistemako gainerako planeten artean: Atmosfera oxigenoaren gordailua da, bertan eragiten dira planetako fenomeno meteorologikoak eta izpi ultramoreetatik babesten gaitu. Atmosfera hainbat geruzatan banatzen da:
Troposfera: Gizakiak normaltasunez bizitzeko eta arnasteko baldintzarik hoberenak daude, eta bertan, fenomeno meteorologikoak gertatzen dira.
Estratosfera: Ozono-geruza bertan dago. Geruza hau bizidunentzat oso garrantzitsua da,eta izpi ultramoreetatik babesten gaitu.
Mesosfera: Izar iheskorren eragilea da: meteoritoen errekuntza.
Termosfera edo ionosfera: Geruza honetako atomoak elektrizitatez kargatzen dira eta aurora boreal izeneko fenomenoak sortzen dute. Irrati-uhinak geruza horretan islatzen dira eta komunikazio-sateliteak ere bertan mugitzen dira.
Exosfera: Bertako gasen konposizioa oso ezberdina da. Espaziorantz hurbiltzean tenperatura jaisten da.
Nere
iruzkinik ez:
Argitaratu iruzkina