IRAKASLEAK KONTU KONTARI!!!

Pasa den astean, Dabid eta Oiartzak, ipuinak eta bizipenak kontatu zizkiguten. Dabidek "Morroi azkarraren" ipuina kontatu zigun eta baita txiste bat ere.

Eta Oiartzak, berriz, Andorrara egin zuen bidaiari buruz hitzegin zigun. Mushing izeneko kirola egin zutenekoa.

GOSARI OSASUNTSUA

Asteartean, eskolan, 5. eta 6. mailakoek Gosari Osasuntsua eduki genuen. Etxetik gosaldu gabe etorri ginen. Aurrena, 5. mailakoak gure gelara etorri ziren eta denok batera, gure eguneroko gosariari buruzko inkesta bat bete genuen eta gure erantzunak aztertu genituen. Ondoren, power point bat ikusi genuen non bertan, azaltzen zen nola gosaldu behar dugun, zenbat denbora eskaini behar diogun eta zer gosaldu behar dugun, gure egunerokotasunean indarra eta energia hartzeko. Jarraian, bideo bat ikusi genuen eta ondo bukatzeko, gosari eder bat egin genuen.

IRATXEREKIN YOGA IKASTEN

Gaur, eguerdiko 12:00etan, Iratxe eskolara etorri zaigu Yoga egiten erakustera. Ordu erdi batean hainbat gauza erakutsi dizkigu: ikasteko, kozentratzeko, lasaitzeko eta ondo sentitzeko teknikak, zuhaitzaren postura, igelarena, sugearena, txakurrarena, tximeletarena eta eguzkiaren agurra ere bai.

Oso gustora egon gara eta berriro etortzeko nahiko genuke. Eskerrik asko, Iratxe, erakutsi diguzun guztiagatik!!!

HERRI TXIKI INFERNU HANDI BERASTEGIN!!!

Herri txiki infernu handi EITB 1en igandero botatzen duten programa bat da. Aurkezleak Zuhaitz Gurrutxaga eta Mikel Pagadi dira. Herri txikiak bisitatzen ibiltzen dira. Eta Berastegira ere etorri ziren grabatzera, jendeari elkarrizketak egiten aritu ziren egun osoan. Handik egun batzuetara, frontoian bota zituzten herrian zehar egindako grabazioak. Saioaren tartean, Sebastian Lizasok herriari buruzko bertsoak bota zituen. Eta atzo, apirilaren 12an, telebistan bota zuten. Hona hemen saioaren grabaketa. Ea gustatzen zaizuen!!!

TAPOI BILKETA

Aurten esan genizuen bezala, tapoiak pisatzen ditugu. Irailetik martxora guztira 53,65kg lortu ditugu! Eskerrik asko tapoiak biltzen dituzuen guztiei, kaxara bota dituzuen guztiei, zuei esker gaixotasuna duten umeei lagundu ahalko diegu. BMB.

ESPERIMENTUAK

Txanelako 3. gaian “Giza Gorputza” landu dugu eta horren inguruan esperimentu batzuk egin ditugu:

- Fonendoskopioa edo estetoskopioarekin bihotzaren taupadak entzun.

- Pultsometroarekin (sistolea, diastolea eta pultsua) neurtu.

- Oximetro digitalarekin odolean dugun oxigenoa neurtu.

Ondoren esperimentu bakoitzeko datuekin bataz bestekoa kalkulatu dugu. TERTULIALARIAK.

Bihotz-erritmoaren ikerketa (atsedenean)

IKASLEAK	SISTOLEA	DIASTOLEA	PULTSUA
1	115	68	78
2	123	68	81
3	117	66	87
4	117	65	89
5	114	70	93
6	114	66	75
7	133	78	89
8	91	52	81
9	101	58	80
10	117	70	71
11	91	70	102
12	122	69	96
13	104	71	91
14	126	69	64
15	103	67	76
16	100	59	76
17	111	63	69
18	109	69	72
19	102	83	68
Bataz bestekoa (zenbaki osoa)	111	67	80

Bihotz-erritmoaren ikerketa (10 salto egin ondoren)

IKASLEAK	SISTOLEA	DIASTOLEA	PULTSUA
1	111	58	89
2	114	74	101
3	123	74	112
4	113	69	103
5	130	84	120
6	111	72	76
7	125	77	98
8	130	61	123
9	121	67	81
10	114	77	87
11	120	84	134
12	123	69	106
13	114	73	98
14	120	77	72
15	112	66	81
16	103	58	85
17	109	68	101
18	117	68	73
19	104	86	93
BATAZ BESTEKOA (zenbaki osoa)	116	71	96

ARGAZKIAK

GRAFIKOAK

Txanelako 4. gaian “Lana eginez goaz aurrera” industria iraultza lantzen ari gara, eta diagramak edo grafikoekin trebatuko gara Create a graph aplikazioarekin. Egin dugun aurreneko grafikoa 1850. urtean Europan izandako burdin ekoizpenarena izan da. TERTULIALARIAK TALDEA.